الرئيسية
مرحبا الغاليات
طبعا هذي اول مشاركه لي بقسم العنايه بالشعر
واغلب الي يعرفون بنت الغالي يعرفون اني ما أحط شي الا مجربته كذا مره قبل لانقل تجربتي
ولاني احبكم وايد وايد وابي لكم الخير قررت اني اشارككم اليوم بخلطه للشعر ...
هالخلطه خذتها من وحده من هلي ... انا لاحظت تغير شعرها حيث انه كان خفيف وقصير .... لكن سبحان مغير الاحوال اخر مره شفتها فيه كان طويل وغليظ ( ماشاءالله تبارك الله )
طبعا هي ماقصرت قالت لي عن خلطتها ولان انا شعري يعاني تساقط فقررت ابدأ فيها
استخدمتها لحد الان 9مرات ... بمعدل 3 مرات اسبوعيا ...
والنتيجه وااضحه وضوح الشمس
1- لمعه في شعري
2- التساقط خف بنسبه كبيره
3- بديت احس بكثافته
4- طول مع اني قاصته من اقل من شهرين لكن الحين القصه راحت
طبعا الخلطه كل مكوناتها ممتازه .... وعلى فكره انا ما كنت أؤمن بالخلطات الا لما شفت النتيجه وناويه استمر باذن الله
مكونات الخلطه
1- علبة كامله زيت اللوز الحلو ( للشعر )
فائدته : مفيد جدا لمشكلة تساقط الشعر
2- علبة كاملة زيت خروع
فائدته : مفيد لكثافة وتطويل الشعر
3- نصف علبة نارجيل ( من العطار النارجيل الاصلي علبته صفراء مالقيت صورته لكن بحاول اجيبها )
فائدته : نعومه ولمعه وكثافه
4- نصف ملعقة صغيره محلب
فائدته : تطويل الشعر
5- نصف ملعقة ملح
فائدته : يعمل كمنظف ومطهر للشعر وحافظ للخلطه
تخلطين كل المقادير في علبه وتخلينها مدة أسبوع كامل ... وبعدها تبدين تستخدمينها .... انا انام فيها بس المتزوجات يمكن صعبه عليهم ممكن تخلينها ساعتين على شعرج
وعلى فكرة احلى شي فالخلطه مالها ريحه أبدا الا اذا حطيتي خشمج في العلبه هههههههه :21_131:
نصائح متفرقه :
1- التزمي بأكل الخضار يوميا ولو انتي ماتحبينها على الاقل صحن سلطه كل يوم وهذا الشي انا بديت فيه ومتاكده انه ساعد شعري انه يتغير
2- كل يوم الصبح لماتحين دلكي فروة شعرج لتحفيز الدورة الدمويه وتنمية بصيلات الشعر
3- أثناء تدليك الشعر بالزيت احرصي على التدليك بداية من جذور الرأس واماكن الشعر الخفيف الى الاطراف
4- للي حابين يطولون شعرهم لماتزيتين الشعر اعملي ظفيره لانها تساعد على التطويل
أتمنى من أي بنت تجربها تكتب تجربتها يوم من الايام .... وان شاءالله باذن الله انكم تلاقون نتيجه مثلي وتنبسطون .... انا بديت فيها مثل ماقلت لكم وناويه اكمل لاني فعلا شفت نتائج مرضيه .....
الله يجزي صاحبة الخلطه كل خير ويرزقها بالذرية الصالحه
دعواتكم لها ولي بعد
لا أقبل بنقل التجربه بدون ذكر المصدر
تجارب البنات منقوله من نفس الموضوع
 | اقتباس |  |  | المشاركة الأساسية كتبها andoomy  |  |  |
| مشكوره كثير بنت الغالي | ||
 |  |
| اقتباس | | | المشاركة الأساسية كتبها andoomy | | |
| انا استخدمت هذي الخلطه من عندك من جد لقيت لمعه بشعري من اول استخدام ولاحظته بسرعه لان شعري طبيعته باهت حتى اختي استغربت ومستمره عليها اختي سوت نفس الخلطه لاكن بزيوت مغشوشه ورخيصه ومابين عليها اللمعه يعني اللي تبي النتيجه تستخدم الزيوت الطبيعيه | ||
| |
| اقتباس | | | المشاركة الأساسية كتبها bntqtr | | |
| حبيباتي | ||
| |
| اقتباس | | | المشاركة الأساسية كتبها bntqtr | | |
| حبيت اقولكم ان شعري وقف تساقط بنسبه 80 % وشعري ناااااااااااعم صار اما الطول مالاحظته واحلى شي فيه ان ماله ريحه ويمكن فيه ريحه بس خفيفه جدا يعني لو الي جمبج مايشمها وطريقه استعمالي شوي غير انا كل ما اتسبح واغسل شعري احطها واخليها بشعري ليييييييييين ما اتسبح مره ثانيه (ترا هذي طريقه الهنود مع الزيوت) تدرون ليش اسوي جذيه . . . . . . . . . . لان والله ثم والله ثم والله الي يشوف شعري مايقول ان حاطه زيت يعني القصد لما احطه مايكون دهني كللش بالعكس بعد ساعه او ساعتين من وضعه يتشربه الشعر ومايبين ان محطوط زيت والله يعطيها العافيه راعيه الوصفه | ||
| |
| اقتباس | | | المشاركة الأساسية كتبها bntqtr | | |
| يا بنات انا استخدمته حاليا صارلي شهر تقريبا | ||
| |
| اقتباس | | | المشاركة الأساسية كتبها bntqtr | | |
| الحين شعري وايد حلو الي احسه ان نعم شعري شوي ومافي تشابك مثل اول والشي الثاني قل التساقط بنسبه تقريبا 10% نسبه قليله بس مرضيه بالنسبه لي وبالستمر فيها وترا العلبه يا بنات تكفي اتوقع 6 شهور او 7 شهور لان انا الحين صارلي شهر واكتب بهالزيت كت ولحد الحين ماحسه تحرك من مكانه مشكوره يا بنت الغالي وجزاج الله الف خير | ||
| |
| اقتباس | | | المشاركة الأساسية كتبها الاصيله55 | | |
| الله يعطيج الف عافيه | ||
| |
| اقتباس | | | المشاركة الأساسية كتبها الاصيله55 | | |
وانا اشهد ان هالخلطه لها مفعووووول فضيييييييييييييييييع ... وحده جربت جزء من هالخلطه مثل زيت اللوز والخروع والنارجيل بس والله شعرها صار شي رووووووووووعه فما بالكم بباقي الخلطه.. الله يجزاكم كل خير يابنت الغالي | ||
| |
| اقتباس | | | المشاركة الأساسية كتبها نادو | | |
| صراحة انا جربته مررره عجبني | ||
| |
وبستمر عليه إنشاء الله
موفقة
تحياتي[/quote]
دمتم بخير
